La Estaya de la Llingua del Conceyu d'Avilés renueva la so páxina web

La Estaya de la Llingua del Conceyu d'Avilés renueva la so páxina web

El sitiu web http://www.llinguaviles.com tien como oxetivu fomentar l'usu y la normalización de la llingua y cultura asturianes

La Estaya de la Llingua del Conceyu d'Avilés estrena páxina web. Magar que yá esistía dende l'añu 2008, el sitiu web http://www.llinguaviles.com, renovóse p'amoldase a los nuevo tiempos, dende'l puntu de vista de la estética y el formatu, adautándolu asina a les redes sociales y a les pantalles nueves.

Estaya de la Llingua d'Avilés Estaya de la Llingua d'Avilés

La web www.llinguaviles.com, escrita neto n'asturianu, recueye noticies referentes a cuestiones rellacionaes cola llingua y la cultura d'Asturies, lo mesmo de la Estaya, que d'Avilés o del Principáu en xeneral. Tamién enseña les actividaes y campañes de normalización lling¿ística qu'entama la Estaya o otres instituciones y plataformes, siempre col mesmu filu conductor: l'espardimientu y conocencia de la llingua asturiana.

Per otru llau, tamién enllaza con otres páxines web d'instituciones, periódicos dixitales, revistes lliteraries, asociaciones y plataformes que tengan tamién l'oxetivu de la normalización del asturianu.

Estaya de la Llingua del Conceyu d'Avilés

Con esta páxina web, la Estaya de la Llingua esparde la so actividá per internet. La Estaya ye un órganu dientro de la Conceyalía de Cultura que s'ocupa de la normalización y afitamientu de la llingua asturiana na vida social y cultural. Esti llabor ye mui importante pa la conservación, espardimientu y conocimientu de la llingua llariega y per ende, de la cultura asturiana.

El trabayu de la Estaya ye esti:

  • Sofitu lingüísticu, traducción y correición de testos de toa mena pa la propia Alministración, asociaciones, empreses y particulares.
  • Informar de los cursos de llingua asturiana, derechos y deberes llingüísticos.
  • Plantegar campañes nes que se normalice y promocione la llingua, implicando a entidaes públiques y privaes.
  • Actividaes empobinaes a escolinos y escolines del Conceyu, ampliando'l campu d'aición tamién a la mocedá.
  • Participar y collaborar nes aiciones de promoción llingüística del Gobiernu d'Asturies nos conceyos asturianos.
Imprimir

Eventos destacados