Beques pa estudiantes de la Universidá d'Uviéu que viven n'Avilés

L'oxetivu ye que'l Conceyu dea ayudes pa poder algamar a la educación superior

El Conceyu d'Avilés, per aciu de la so conceyalía de Mocedá, dedica tolos años una partida de 45.000 euros pa becar a estudiantes con  matrícula n'estudios oficiales de Graau, Máster y Doctoráu de la Universidá d'Uviéu que vivan n'Avilés, pa que naide quede fuera de la educación superior porque nu tien dineru. 

Estes beques son complementaries a les que se puedan xestionar dende Educación.

Les ayudes son pal tresporte que va dende'l conceyu d'Avilés hasta los campus de la Universidá d'Uviéu y tamién pa mercar material didáuticu y/o informáticu, hasta llegar al llímite presupuestariu total que pon na convocatoria.

En cada convocatoria, publicada na intranet de la Universidá d'Uviéu, ta puesto lo que se necesita pa solicitalo, les llimitaciones, cantidá y importe de les ayudes (que cambia según los umbrales de la renta), criterios de valoración y procedimientu de concesión y plazu de presentación de solicitúes ente otros aspeutos.

Respeuto a los requisitos académicos, ye necesario tener más d'un 30 por cientu de los créditos onde tea matriculáu/ada l'alumnu/alumna (nun ye necesario pal alumnáu de primer cursu), y tener una matrícula por cada cursu con un mínimu 18 créditos. Se puede ser beneficiariu/a de beca tolos años si se siguen cumpliendo los requisitos económicos y académicos.

La Universidá d'Uviéu xestiona la convocatoria de les ayudes según lo llantao na Llei 38/2003 de 17 de payares Xeneral de Subvenciones y cualquier normativa que se tenga d'aplicar, según los principios de publicidá y concurrencia competitiva. La regularización d'esti procedimientu roblóse con un conveniu nel que se llanta'l procesu regulador par pagar beques del Conceyu d'Avilés a estudiantes de la Universidá d'Uviéu con rexistru nel padrón del so conceyu.

La publicación del extractu de la convocatoria de cada cursu, con tolos detalles y plazos, publícse nel BOPA y la convocatoria completa na páxina de la Universidá d'Uviéu y na del Conceyu d'Avilés.