Los establecimientos comerciales minoristes que quieran xunise al programa de Bonu Comerciu Asturies tendrán de rexistrase na plataforma web preparada pa xestionar y usar el programa https://bonoscomercioasturias.com, indicando esta información:

1. Cada persona beneficiaria tendrá como muncho 5 bonos, por valor de 10 € caún, que podrán usase nún o varios de los comercios minoristes xuníos al programa. Asinamesmo, los bonos-descuentu podrán usase pa cada consumidor o consumidora nuna compra única o varies compres. Caún  de los Bonos Comerciu Asturies tendrá la consideración de bonu descuentu por un valor de 10 euros con una compra mínima de 30 euros, IVA incluyíu, nos establecimientos xuníos.
2. Na plataforma web https://bonoscomercioasturias.com pondránse a funcionar los mecanismos necesarios pa garantizar y comprobar lo llantao nel apartáu anterior, y dispondrá de la ferramienta necesario pa controlar la emisión de bonos que como muncho sedrá de 5 bonos-descuentu por cada persona identificada.
3. Nun se van poder cambiar los bonos pa les compres pela rede.
4. Nel casu de que nun se cambien tolos bonos nel tiempu de facelo, los bonos van perder el so valir. De toes formes volverá a abrise un plazu nuevu de solicitú y descarga de los bonos del 1 al 15 d'ochobre de2025, esceuto qu'enantes de que pase'l tiempu pa cambialos, yá s'agotaren les esistencies de bonos pol importe que se determine, que sedrá'l correspondiente a lo que valgan los bonos que un s'usaron nel anterior momentu qu'había pa cambialos, o l'importe ampliáu nel so casu.

Nesi casu, los bonos podrán cambiase nos establecimientos que tán dientro'l programa dende'l 1 d'ochobre al 30 de payares de 2025.

1. La descarga de los bonos poles persones usuaries fadráse na plataforma web preparada pa la xestión y pa desenvolver el programa, https://bonoscomercioasturias.com. Los bonos tendrán formatu dixital con un códigu QR y podrán usase dende una APP dende la que se podrá pagar (Wallet o paecía).
2. Pa cambiar  los bonos y poder facer los descuentos a les persones que los usen los y les comerciantes tendrán que descargar nel móvil l'APP Bonu Comerciu Asturies.
3. Nel momentu nel que se ta mercando y vendiendo, los y les comerciantes tendrán que meter n'APP la cantidá y lo que se ta vendiendo, apaeciendo automáticamente lo qu'hai de cobrar (n'aplicando'l descuentu). Per otru llau les persones que tán coprando tendrán d'enseñar el DNI y el so bonu en formatu códigu QR y pagar, con dieneru o con tarxeta, lo que-y cueste lo que compró.

Pa xustificar les ayudes, será obligación de los comercios minoristes quedase un añu con tolos  tiques o factures de compra como xustificantes de que s'aplicaron  los bonos.