Tienda Avilés

El Conceyu d'Avilés pon en funcionamientu una plataforma de comerciu electrónicu afayadizu, moderna y sostenible, TIENDAVILÉS, que xunta 190 establecimientos de comerciu, hostelería , turismu y productos de casa.

Na páxina web https://tiendaviles.com, les persones van poder mercar en varies tiendes a la vez  y recibir al día siguiente tolos sos productos nuna entrega única. Amás, contarán con un plazu de 14 díes pa devolver coses.

Como parte de la estratexa de dinamización del comerciu llocal, esti marketplace tien l'envís de xunir el comerciu llariegu y la ciudadanía avilesina per aciu  d'una plataforma dixital afayadiza y innovadora. El so oxetivu principal ye puxar pol texíu comercial más cercanu, contribuyir al desendolcu de la economía llariega y ufrir a les persones consumidores una alternativa moderna, sostenible y segura pa mercar.

La plataforma ye pa clientes llariegos y foriatos, con un enfoque especial pa la mocedá  y persones de mediana edá, que ven nel comerciu en llinia una opción cómoda, afayadiza  y adautada a los sos vezos de consumu.

Esta web tamién tendrá un serviciu pa mandar les coses a casa comprando los productos que se vendan nella.