Taller de llectricidá y electrónica. 

45 personas mayores de 60 años participaron nel mes de mayu nes actividaes organizaes poles conceyalíes d'Educación y de Mayores dientro'l programa Deprendimientu-Serviciu. Esta cifra equival al númberu de places ufiertaes, polo que dende les dos aires áreas fálase d'un balance perbonu de participación.

El programa Deprendimientu-Serviciu da la posibilidá a los y les estudiantes de FP d'Avilés poner en práutica lo que deprendieron en clase nuna situación real, una situación que se vive de verdá, con servicios d'aición comunitaria a mayores de 60 años, dientro del marcu d'Avilés como ciudá prestosa pa les persones mayores.

A lo llargo d'esti mes de mayu ficiéronse cuatro actividaes nes que taben  estudiantes de Formación Profesional de diferentes cursos y rames profesionales. En tres d'elles participó alumnáu del Centru Integráu de Formación Profesional Avilés, d'estudios d'Alministración y Finances, Llectricidá y Electrónica y Peluquería y Estética. Per parte del IES La Madalena participaron estudiantes del Ciclu Formativu de Guía, Información y Asistencia Turística.

El primer alcuentru foi'l xueves 15,xunto col alumnáu d'Alministración y Finances del CIFP Avilés. Los mayores participantes deprendieron coses básiques pa poder usar el corréu y l'axenda electrónioca lo mesmo de los ordenadores como de los móviles. 

Asina, deprendieron a crear una cuenta de corréu electrónicu y facer cose básiques con él  (enviar, recibir, lleer, borrar...). Tamién-yos dieron nociones básiques sobre la carpeta ciudadana, el certificáu dixital o la xestión de cites y recordatorios cola axenda electrónica. Toles persones mayores que participaron recibieron un diploma acreditativu y compartieron col alumnáu, que nesi momentu convirtiéronse en profesoráu, les sos esperiencies vitales alrodiu d'estes xeres, asina como los cambios que fueron sintiendo col pasu'l tiempu.

La segunda actividá foi'll llunes 19 de mayu, y consistió nuna visita guiada pel cascu históricu d'Avilés de la mano del alumnáu de primer cursu del Ciclu Formativu de Guía, Información y Asistencia Turística del IES La Madalena. Esti percorríu contó cola visita de la conceyala de Mayores, Ana Suárez Guerra, ficiéronse paraes en dalgunos de los espacios más representativos de la ciudá, como la plaza España, el parque'l Muelle, el palaciu de Valdecarzana, el Teatru Palacio Valdés o la nueva sede del Conservatoriu Municipal Profesional Julián Orbón.

Nesta actividá, les personas mayores participantes valoraron especialmente la cantidá de detalles y informaciones d'interés que dio l'alumnaáu, dalgunas desconocíess a pesar de tratase de sitios que tán nes sos  vides dende hai muchos años. Pela so parte, los y les estudiantes conocieron, de la mano d'estes persones mayores, cómo yera visitar estos espacios n'otres époques.

El xueves 22 de mayu fízose nel CIFP Avilés un mini taller que dio l'alumnáu de la rama de Lletricidá y Electrónica, nel que les personas mayores participantes deprendieron a poner un puntu de lluz nun tableru, y tamién a facer dellos arreglucos n'isntalaciones eléctriques.. Too esto usando empleo téuniques y materiales d'agora, mui diferentes a los que l'alumnáu veteranu d'esti taller conoció n'otros tiempos.

Lo último foi lo que ficieron dalgunes alumnes de la rama de Peluquería y Estética del CIFP Avilés que fueron el día 26 de mayu hasta'l Centru Residencial y de Día de  Los Canapés pa ofrecer a les sos usuaries la posibilidá de peinase y d'arreglar les manes. Nesta actividá compartieron gustos y preferencies a la hora de recibir estos servicios, que resultaron de munchu interés pa les dos partes, pero mui especialmente pa les futures profesionales,que van poder aplicar lo que deprendieron a la hora de prestar los sos servicios.