Ya ta abiertu'l plazu p'apuntase a los cursos de baldre d'aniciu al voluntariáu que tolos años fai'l Conceyu d'Avilés per aciu de la Oficina Municipal del Voluntariaáu. Con ellos, inténtase qu'hata  persones voluntarie pa participar en proyeutos que desenvuelven delles entidaes sociales de la ciudá, dándo-yos una formación básica nel ámbitu de la participación ciudadana y l'aición voluntaria.

Son dos aiciones formatives: Un taller presencial y un cursu online. Los dos son de baldre pa persones que yá son voluntaries o que-yos peta entamar a facer voluntariáu.

El Taller presencial de "Aniciu al voluntariáu" celebraráse'l llunes, día 26 de mayu nel Palaciu de Valdecarzana. Tendrá una duración de tres hores: de 16:30 a 19:30 hores. Les places son llimitaes.

El plazu p'apuntase tará abiertu hasta'l vienres 23 de mayu a les 15:00 hores o hasta cubrise les places. Nesti taller trataránse d'una manera práutica cuestiones mui importantes pa orientar a aquelles persones que tengan interés por l'aición solidaria y el voluntariáu, como son, ente otros:

• Definición de lo que ye y lo que nun ye'l voluntariáu.
• Ámbitos y actividaes del voluntariáu.
• Marcu llegal.
• Derechos y deberes de les persones voluntaries.
• Ónde y cómo hacer voluntariáu n'Avilés y n'Asturies.

Per otru llau, el Cursu en rede, col títulu: "Construyamos el to voluntariáu"  llega esti añu a la so sexta edición. Dura 20 hores. Los y les participantes podrán completar el cursu al so ritmu, dende'l momentu nel que s'apunten hasta'l 20 d'avientu de 2025 nel que se va pesllar la plataforma formativa.

El plazu p'apuntase a esti cursu tará abiertu hasta'l 1 d'avientu.

Los conteníos que se traten nesti cursu son:

• La participación y el voluntariáu.
• Procesu pa ser voluntariu/a.
• Desendolcu y ámbitos de l'aición voluntaria.
• Rellaciones del voluntariáu con otros axentes.
• La realidá del voluntariáu.

Los dos cursos son compatibles. El cursu en rede trata temes más amplios y afonda más nes coses. Afaya tamién la conciliación a les persones que nun tengan muchu tiempu llibre. El Taller presencial, per otru llau, como dura poco, trata temes más condensaos y tien la ventaxa de que se ta nun grupu y eso ye bono pa puxar poles aiciones entepersonales y l'intercambiu d'esperiencies y esmoliciones ente toles persones participantes.

Los cursos son de baldre y va dase un diploma acreditativu a quien lu faiga. Los dos cursos tán dientro del Plan estratéxicu del voluntariáu d'Avilés, col envís de puxar pola solidaridá y fomentar el voluntariáu na nuestra ciudá. Tolos años se prepara un calendariu formativu pa meyorar la capacitación de persones voluntaries y personal téunicu y responsables d'entidaes de voluntariaáu dándo-yos formación pa que puedan dempués desenvolver les sos xeres meyor y con más garantíes.

Esti calendariu complétase con otres propuestes formatives, dalgunes yá se ficieron, como'l programa formativu de Voluntariáu y Soledá Nun Deseada de los díes 5, 6 y 7 de mayu. Otres, tán faciéndose agora y otres tán a puntu facese como'l "V Alcuentru de voluntariáu" del 12 de xunu, que tamién tará dedicáu esti añu al papel del voluntariáu na llucha escontra la soledá non naguada.  Y pa terminar, nel segundu semestre del añu a prevista una formación más específicas, a propuesta de la Mesa Llocal del Voluntariáu.

Tán organizaos pola Conceyalía de Participación Ciudadana al traviés de la Oficina Municipal del Voluntariaáu d'Avilés y va dalos la Plataforma del Voluntariaáu d'Asturies.

P'apuntase pue facese na web www.avilesvoluntariado.org onde ta tamién tola información, asina como'l formulariu qu'hai pa faclo. Quien precise másinformación, pue contautar cola Oficina Municipal del Voluntariáu del Serviciu de Participación Ciudadana pel teléfonu: 985 129 098 o pel corréu electrónicu participacion@aviles.es