El Centru Niemeyer convertiráse nel escenariu del XIII Alcuentru de Clubs de Llectura de les Biblioteques Públiques d'Asturies esti sábadu, 31 de mayu, a les 11:00 hores. La cita xuntara a más de 900 llectores alrodiu de la lliteratura del escritor colombianu Héctor Abad Faciolince, autor invitaáu nesta edición y voz destacada de les lletres hispanoamericanes.

El públicu vien de diferentes clubs de llectura de les biblioteques públiques d'Allande, Avilés, Cangas del Narcea, Carreño, Castrillón, Castropol, Cuaña, Colunga, Gijón/Xixón, Gozón, Grau/Grado, Llangréu/Langreo, Les Regueres, Llaviana, Lena/¿¿ena, Llanera, Mieres, Morcín, Muros de Nalón, Navia, Noreña, Oviedo/Uviéu, Parres, Pravia, Quirós, Ribadesella/Ribeseya, Siero, Sariego, Sobrescobio, Soto Ribera, Sotu'l Barcu, Sotrondio, Tapia, Tinéu y Valdés, les persones que vayan  tendrán la oportunidá de charrar con Faciolince de la so obra y especialmente de la so novela más reciente 'Ahora y en la hora'.

Organizáu pol Grupu d'Animación a la Llectura de les Biblioteques Públiques d'Asturies, nel alcuentro collaboren la Conceyalía de Cultura del Conceyu d'Avilés; la Conseyería de Cultura, Política Llingüística y Deporte del Principáu d'Asturies; l'Asociación de Llibreríes d'Asturies y la editorial Alfaguara.

Amás, la sesión de mayu del Club de Llectura de la Biblioteca Bances Candamo tará dedicada a comentar les obres d'Héctor Abad Faciolince. Cada persona escoyó la obra d'él que-y petó. L'alcuentru sedrá'l sábadu, 29 de mayu, a les 17:00 hores, en La Noria.

Héctor Abad Faciolince (Medellín, 1958)

Ye un escritor y columnista colombianu bien conocíu na lliteratura en llingua española anguaño. La so obra más conocida y premiada ye  El olvido que seremos (2006), una narración mui emotica sobre la vida y la muerte del so pá Héctor Abad Gómez, un médicu y defenso de los derechos humanos asesináu en Medellín en 1987.

A lo llargo de tola so carrera lliteraria, Abad Fanciolince publicó munches noveles, como Asuntos de un hidalgo disoluto (1994), Basura (2000), Angosta (2004), La Oculta (2014) y Salvo mi corazón, todo está bien (2022). Tamién escribió llibros de rellatos, ensayos y tornes.

Na so última novela, Ahora y en la hora, trata'l tema de la guerra d'Ucrania, que vivió na so propia carne cuando un misil rusu cayó na pizzería na que taba. Nesti ataque morrieron varies persones, ente elles una compañera de mesa, la escritora ucraniana Victoria Amélina, y dexó decenes de persones feríes graves. Esti sucesu tráxicu marcó mui fondamente al escritor.