El Centru Sociocultural José Ángel del Río Gondel, de Llaranes, programó pal mes de xunu actividaes puntuales como caminates, teatru y llectures dramatizaes, asina como la representación d'una obra por parte del grupu infantil de teatru. Estes actividaes son de baldre, pero hai qu'apuntase primero nel mesmu centru, a nun ser que se diga que la entrada ye llibre.

• Caminates. Tolos xueves a les 10.30 hores (l'horariu puede cambiase si se necesita usar tresporte). El 5, ruta del colesterol na Ría d'Avilés; el 12, la ruta de La Madalena; el 19, ruta per Xivares. El martes 24 fadráse una ruta per Raíces y Salinas xunto col Centru de Persones Mayores de Les Meanes/Las Meanas. Ye pa participantes de movimientu consciente, estiramientos, ximnasia y baille activu.
• 'Raitanines pates p'arriba'. Llunes 2 a les 17.00 hores. Habrá teatru y llectures dramatizaes a cargu de Raitanines de la Ría Miranda. Entrada llibre.
• El grupu infantil de teatru del centru presentará la obra de teatru 'Superpopular', el sábadu 7 a les 12.00 hores. Entrada llibre.

Per otru llau, sigue'l taller de ximnasia en silla como actividá regular del centru, y ye de baldre. Pa participar hai d'apuntase primero nel mesmu centru.

• Taller de ximnasia en silla:

Ximnasia adautada a persones con poca movilidá, actividá qu'ayuda a que nun se pierda masa muscular y a tar en meyor forma física. Los miércoles a les 11.00

Ahora hai 20 places ocupaes y 5 places disponibles.

Otres actividaes a cargu d'entidaes de fuera con plazos abiertos p'apuntase

Estes actividaes dependen d'otros servicios o entidaes y pa participar hai que contautar con elles direutamente, pero tamién se puede pidir información na oficina del centru.

• Programa de Prevención y intervención Socioeducativa del Conceyu d'Avilés: PROA clases d'apoyu escolar. Martes y xueves de 17:15 a 18.45

• Asociación Santa Bárbara, de Llaranes:

-Taller de Stretching (estiramientos) vienres de 11:00 a 12:00.

-Taller de Pilates, martes y xueves, mañanes de 10.30 a 11.30 y de tarde de 18.30 a 19.30.

• Talleres del Equipu Sicosocial municipal:

-Charres mensuales a cargu de la empresa d'ayuda a domiciliu.

-Taller “cuerpu y mente”, tolos vienres a partir de marzu, de 16.00 a 18.00.

• Taller de sevillanes:

Dalu una persona voluntaria, tolos vienres a les 17.00.