La conceyalía de Ciudá Saludable del Conceyu d'Avilés oferta clases de taichi pa persones mayores, una actividá que previén la osteoporosis. Desarrollaránse nos parques biosaludables de La Xungarosa/El barrio de La Luz y La Carriona, los llunes y los miércoles. Apuntase ye de baldre y el plazu ta abiertu y hai de llamar al númberu de teléfonu 985 549 225.

Los exercicios, pa toles persones dende los 50 años, tán pensaos p'aumentar la fuerza y la densidá ósea de los y les participantes, fortalecer la musculatura y favorecer l'equilibriu.

Caúna de les clases, yá en marcha, ye pa 20 persones como muncho, y van terminar el 13 d'agostu.

L'horariu  de l'actividá nel parque de La Xungarosa/El barriu de La Luz sedrá de 17.30 a 18.30 hores. Y nel de La Carriona, de 19.00 a 20.00 hores.