Igualdá
El Conceyu d'Avilés entama un serviciu de baldre de conciliación familiar nel mes de xunu
18 may. 2025
El plazu de presentación de solicitúes termina'l llunes 26 de mayu

 

El Conceyu d'Avilés entama un serviciu de baldre de conciliación familiar nel mes de xunu, de 15:00 a 16:00 hores, nos centros que tienen comedor escolar. Págase col Plan Corresponsables y esta midida sirve pa cubrir les hores de menos que van quedar por culpa de qu'hai menos hores de clases nesti mes. 

Esta iniciativa, acordada na últimu aconceyamientu de la Comisión Permanente del Conseyu Escolar Municipal, y nos aconceyamientos  con AMPAS y AFAS, ye p'alumnáu matriculáu nel serviciu municipal de comedor nel mes de xunu.

Como esti mes les clases terminen a les13:00 hores, el Conceyu d'Avilés mantién l'horariu del serviciu de comedor de 13:00 a 15:00 hores y compleméntalu col serviciu nuevu de conciliación de 15:00 a 16:00 hores.

Los Centros Educativos y les AMPAS/AFAS yá recibieron una ficha p'apuntase a esti serviciu, pa que puedan informar a toles families interesaes. Les solicituúes cubiertes tendrán d'entregase al personal responsable del comedor hasta'l llunes 26 de mayu.

Sedrá un requisitu indispensable que los y les menores  tean apuntaos/es nel servicio municipal de comedor escolar nel mes de xunu. Infórmase asimismo de que'l plazu pa altes nueves quedará abiertu hasta'l 25 de mayu.

  • Igualdad
  • Educación

También te puede interesar...