Igualdá organizó dos escursiones de baldre los domingos 1 y 8 de xunu, a la braña de La Pornacal y al Muséu de la Prehistoria de Teberga, respeutivamente. Esta iniciativa, de calter lúdicu y de tiempu llibre, ye pa toles families, primero pa les monomarentales o monoparentales con menores d'ente 6 y 12 años al so cargu.

Les families interesaes, siempre que tean empadronaes n'Avilés, podrán apuntase a partir d'esti lunes, 26 de mayu, a las 9:00 hores, hasta que s'acaben les places, que se van dir dando por orde de solicitú. Cada familia podrá contar cola participación sólo d'una persona adulta como acompañante de los y les menores. P'apuntase habrá que facelo calcando nesti enllaz: : https://forms.office.com/e/NtHZU74WFc

Nes dos escursiones  habrá monitores y tendrán como puntu de salida la parada d'autobús del parque de Las Meanas/Les Meanes, naa cai Jardines, a les 9:00 hores. La vuelta ta prevista pa les 18:00 hores. Les persones participantes tendrán que llevar comida y bebida pa esi día.

El domingu 1 de xunu fadráse una ruta andando hasta la braña de La Pornacal, con un total de 20 places disponibles. El percorríu, de 8 kilómetros ida y vuelta y un desnivel acumulaáu de +370 metros de xubida y -370 metros de baxada, saldrá dende Vi¿¿ar de Vildas, y pasará per una pista que rodea'l ríu de La Pornacal, onde van poder contemplase les tradicionales cabañes de teitu con cubierta vexetal.

N'actividá, sedrán les y los menores quien asuma'l papel de guíes, col sofitu de profesionales, practicando téuniques d'orientación, rastréu de güeyes y interpretación del entornu. Recomiéndase llevar calzáu cómodu pa caminar, sobre too pa la montaña, asina como una mochila colo necesario pa pasar esi día.

El domingu, 8 de xunu, ta prevista una visita al Muséu de la Prehistoria de Teberga, que va tener actividaes y xuegos al aire. La escursión tendrá un total de 50 places. Esi día, les families podrán entrar na Cueva de Cuevas, un espaciu espositivu que recrea l'atmósfera orixinal de les cavernes prehistóriques, pudiendo contemplar les pintures y grabaos nun entornu asemeyáu al orixinal. La galería ofrez un percorríu pel arte paleolíticu, el simbolismu de les figures representaes y les téuniques que s'usaben.

Una parte d'esta actividá págala'l Gobiernu del Principáu d'Asturies con cargu a los fondos recibíos del Ministeriu d'Igualdá, Secretaría d'Estáu d'Igualdá y escontra la Violencia de Xéneru nel marcu del Plan Corresponsables.