Dende esti martes 1 de xunetu les families yá pueden apuntase nes actividaes extraescolares pal cursu escolar 2025-2026. El Conceyu d'Avilés ufre pal cursu escolar que vien 2.469 places na so programación. D'elles 1.725 son culturales y 744 deportives. Danse nos 13 centros públicos d'Enseñanza Infantil y Primaria y nel Centru d'Educación Especial San Cristóbal, que tendrá una programación según les necesidaes del alumnáu.

Pa les actividaes culturales el plazu p'apuntase tará abiertu tol cursu, siempre qu'haya plaza. Y nes actividaes deportives el plazu pieslla'l 17 de setiembre, a partir d'esta fecha formaránse los grupos d'actividaes. N'organizando  los grupos que salen, al algamar el númberu mínimu de persones apuntaes, volverá a abrise'l plazu pa inscripciones nueves naquellos grupos os que queden places.

Na web municipal ta disponible tola información sobre la ufierta d'actividaes extraescolares culturales y deportives de cada Centru Educativu y la disponibilidá p'apuntase online.

Cualquier menor puede apuntase en cualquier actividá programada nos Centros Educativos.

Pueden solicitar la matrícula/inscripción en cualquier centru la madre, el padre, tutor/a o persones que tengan la guarda y custodia del o la menor con escolarización y/o empadronamientu nel conceyu d'Avilés nel cursu escolar 2025-2026.

Les y los menores tienen de tener autonomía personal abondo pa participar nes actividaes ufiertaes. 

Cualquier familia que cumpla estos requisitos puede solicitar matrícula en cualquier actividá y Centru ufiertaos.

Les actividaes extraescolares xunto colos comedores escolares son servicios polos qu'apuesta el Conceyu d'Avilés p'afayar la conciliación llaboral de les families.

Toles actividaes van entamar el día 1 d'ochobre de 2025y hasta'l 29 de mayu de 2026.

Culturales

Hai 115 grupos con 22 disciplines diferentes nes actividaes culturales. En cada grupu hai 15 places, polo que podría haber  1.725 neños y neñes en total, que pal cursu que vien podríen facer actividaes de 16:00 a 18:00 hores. Cada actividá ta programada pa formar un grupu como muncho de 15 menores y como mínimu de 8. Anque dependa del perfil del alumnáu y les carautersitiques del centru, pueden entamase actividaes con menos de 8 inscripciones. 

Llista d'actividaes culturales que s'ufierten nes escueles:

• Balé
• Danza
• Dibuxu y pintura
• Inglés
• Body Balance
• Diverciencia-Exploración científica
• Circu
• Lego Blocks
• Manualidaes
• Animación a la llectura
• Ludoteca
• Bricolaxe
• Youtubers Kids
• Coreografíes: enerxía, ritmu
• Llingua de signos
• Baille
• Reporteros y reporteres escolares
• Patios dinámicos
• Autonomía nel mediu
• Artesanía
• Baille y teatru
• Musicoterapia

En el nuevo curso el Ayuntamiento ha puesto a disposición de los Centros la oferta de 3 actividades nuevas:

- Reporteras y reporteros escolares: dirigida a alumnado de primaria.

Tola información de les actividaes culturales na web del Conceyu d'Avilés en:

https://sedeelectronica.aviles.es/PublicacionTabs.aspx?tab=20&id=20480&t=OC&x=9qJpBEpeYKsGC23lVX3QPw

Deportives

Llista d'actividaes deportives que s'ufierten nes escueles:

• Deprendo los deportes.
• Axedrez.
• Baloncestu.
• Balonmano.
• Futbol sala.
• Ximnasia rítmica.
• Yudu.
• Patinaxe artísticu.
• Voleibol.
• Karate.

Tola información d'actividaes deportives na web del Conceyu d'Avilés:

https://sedeelectronica.aviles.es/PublicacionTabs.aspx?tab=20&id=20634&t=OC&x=GHiVSs3DK2fD96WiJW+xsw