"Sonidu Summer" propón una forma prestosa y creativa de practicar inglés esti veranu. Ye pa la mocedá d'ente 12 y 16 años, l'actividá fadráse tolos xueves de xunetu y agostu, de 12:00 a 13:30 hores, nel Espaciu Mozu del Edificiu Fuero. La primer sesión sedrá esti xueves, 10 de xunetu.

Puxa por ello la conceyalía de Mocedá, esti programa busca romper el mieu a espresarse n'inglés al traviés del xuegu, la creatividá y distintos llinguaxes. Nun ye necesariu apuntase primero nin dir a toles sesiones, ye necesario sólo tener ganes de practicar y pasalo bien en grupu. Trátase d'una actividá diseñada pa practicar inglés de forma natural y entretenida, ensin presiones, nun entornu onde lo importante nun ye'l nivel, sinón l'actitú.

Tolos xueves de xunetu y agostu, "Sonidu Summer" ufrirá una serie d'actividaes pa practicar inglés d'una manera prestosa y creativa. El 10 de xunetu entamará un karaoke n'inglés y xuegos musicales. La selmana siguiente, el 17 de xunetu, los y les participantes podrán disfrutar de teatru y xuegos de rol. El 24 de xunetu sedrá'l turnu de ver cortos n'inglés siguíos d'un alderique, y el 31 de xunetu retaráse a mozos y moces histories con imáxenes.

El mes  d'agostu va entamar el día 7 con arte creativu y cómics, el 14 de agosto habrá un retu pa descubrir un misteriu. El 21 d'agostu habrá una  actividá d'entrevistes famoses, y el vienres 29 d'agostu, pa pesllar el ciclu, celebraráse un show de talentos final, porque'l xueves ye festivu, día de San Agustín.

Cada actividá ta diseñada pa meyorar les artes lingüístiques, mientres que les persones participantes tán pasándolo bien  y compartiende les coses en grupu.

Calendariu

• Xueves 10 de xunetu. Karaoke n'inglés y xuegos musicales
• Xueves 17 de xunetu. Teatru y xuegos de rol
• Xueves 24 de xunetu. Cortos n'inglés y alderique
• Xueves 31 de xunetu. Retu de histories con imáxenes
• Xueves 7 d'agostu. Arte creativu y cómics
• Xueves 14 d'agostu. Descubre'l  misteriu
• Xueves 21 d'agostu. Entrevistes famoses
• Vienres 29 d'agostu (el xueves ye festivu). Show de talentos final