Dientro'l Proyeutu 'Tú Propones' del Serviciu de Mocedá del Conceyu d'Avilés entama un taller d'escritura creativa pa la mocedá con motivaciones lliteraries. Xuirde del interés por puxar pola creatividá y dar bona ferramienta a quien quiera afondar nel arte d'escribir dende una perspeutiva personal, auténtica y collaborativa.

Con cinco alcuentros de dos hores caún, de los que se va dir diciendo les feches de celebración, quien participe  va trabayar aspeetos clave como la construcción de personaxes, la estructura narrativa, l'usu de téuniques lliteraries o la búsca d'autores.

El primer alcuentru sedrá'l vienres 30 de mayu, y el taller sedrá práticu y participativu. Amás de meyorar la espresión escrita, “Volar sobre letras” (Volar penriba les lletres) pretende formar una comuña creativa onde compartir idees, testos y esperiencies.

Nesta ocasión, Maru, una de las moces participantes nel Programa 'Tu propones' presenta “Volar sobre letras” (Volar penriba les lletres), un taller pa entamar cola escritura creativa que busca inspirar, emponderar y coneutar a la mocedá que siente pasión pola palabra escrita.

Oxetivos del taller:

• Fomentar la creatividá lliteraria.
• Meyorar la espresión escrita.
• Puxar pol talentu narrativu individual.
• Apurrir bonos recursos pa la edición y auto publicación.
• Estimular el pensamientu críticu y la imaxinación.

La propuesta ta dientro'l proyeutu Tú propones, una iniciativa del serviciu de Mcedá del Conceyu d'Avilés que puxa poles idees que proponga la mocedá pa que la ufierta cultural y d'ociu seya meyor con una mirada participativa. Ya ta funcionando dende hai meses un taller de teatru y agora entama'l d'escritura.

Pa más información, puede entrugar nel Serviciu de la Mocedá del Conceyu d'Avilés o visitar les sos canales oficiales.

Corréu electrónicu: juventud@aviles.es

Instagram: @espaciojovenaviles