La Reciella de la Factoría vuelve a la rede con tres cuentacuentos

La Reciella de la Factoría vuelve a la rede con tres cuentacuentos

Publicado el 18 de Marzo de 2021
En marzu, abril y mayu

Entamada pola Estaya de la Llingua, los neños y les neñes d'Avilés podrán disfrutar de les histories preparaes por Ana Morán, Olga Cuervo y Carlos Alba. Podrán descargase na páxina web de la Estaya, www.llinguaviles.com; na revista dixital de la Fundación Municipal de Cultura, www.avilescultura.com, nes redes sociales del Conceyu y na plataforma dixital PlayPresta

Imaxen del ciclu Imaxen del ciclu

La Reciella de la Factoría vuelve col so ciclu nuevu d'actividaes que se van poder siguir de forma telemática per Internet. Tres cuentacuentos de temes mui diferentes que programó la Estaya de la Llingua pa neños y neñes, a cargu d'Ana Morán, Olga Cuervo y Carlos Alba, en marzu, abril y mayu.

La Reciella de la Factoría cumple seis años, ente les sos versiones presencial y la d'anguaño virtual, pola mor de la pandemia. Col entretenimientu, lo prestoso y el deprendimientu de la llingua asturiana, lo más piquiñino de la casa, va facer esnalar el so maxín con cuentos, histories y marionetes.

Entama esti sábadu, 20 de marzu, colos Cuentos d'amor, qu'Ana Morán va contar  con munchu ciñu, asoleyando una riestra histories bien amorosiegues.

Sigue'l 16 de abril, Xintar, llimpiar y baillar, nel qu'Olga Cuervo quier tresmitir bones  costumes pa llevar una vida sana, per aciu los cuentos.

Y pa terminar, el 20 de mayu, llega Mitoloxíes de Carlos Alba, onde les marionetes sedrán les encargaes de preparar un viaxe al traviés de la mitoloxía, vezos y tradiciones d'Asturies.

Podrán descargase dende les 11.00 hores del sábadu nel que se va facer cada actividá, na páxina web de la Estaya de la Llingua d'Avilés, www.llinguaviles.com; na revista dixital de la Fundación Municipal de Cultura, www.avilescultura.com, les redes sociales del Conceyu y la plataforma dixital de conteníu asturianu, PlayPresta.

Nos enllaces:

Facebook

https://www.facebook.com/PlayPresta/posts/1178426649294422?notif_id=1615826412857666&notif_t=live_video_schedule_broadcaster&ref=notif

YouTube 

https://www.youtube.com/watch?v=6cn_v14GIrc

Programa

  • 20 de marzu. Cuentos d'amor, con Ana Morán.
  • 16 d'abril. Xintar, llimpiar y baillar, con Olga Cuervo.
  • 20 de mayu. Mitoloxíes, con Carlos Alba.

 

Imprimir

Eventos destacados