La Conceyalía de Normalización Llingüística súmase a les actividaes culturales de la Nueche Blanca que se celebra esti vienres per tolos requexos de la ciudá con una actuación de la banda 'La Bonturné', premiu Camaretá al Meyor Cantar 2024. Sedrá na Factoría Cultural (20:00 hores) y amás de música habrá un alcuentru col públicu cola llingua como protagonista. La entrada ye llibre hasta completar aforu.

El 'Ciclu Autores nel Camín'  ye un programa que ñació en 2021 p'averar a la ciudadanía a la creación cultural n'asturianu, y a los y les autores ganadores de los premios lliterarios y artísticos organizaos pola Conseyería de Cultura, Política Llingüística y Deporte.

La Bonturné ta formada por Merce Santos, Santi Caleya, David Varela y David Casillas, una de las bandes más tresformadores del folk asturianu. Fueron los ganadores del XVI Premiu Camaretá al Meyor Cantar con ‘Odisea la Nuí’. Hai unes  selmanes entamaron la xira d'Autores nel Camín que los llevó per Villaviciosa, Tinéu, Candás, Cangas del Narcea, Nava.

El 'Premiu Camaretá al Meyor Cantar 2023' convócase dende 2007 y dende 2020 pasó a llamase como se llama agora como homenaxe a 'Camaretá', la primer agrupación musical y lliteraria del Surdimientu, formada en Samartín del Rei Aurelio en 1975. D'ellí salieron músicos como Nuberu, Nel Xiblata o los poetes Manuel Asur y Xuan Marcos.