Help
La conceyala de Normalización Llingüística, Ana Solís, presentó güei pela mañana la programación d'actividaes de baldre pal segundu semestre, de la Estaya de la Llingua. Fízolo nel marcu del "Día de la Llingua" que se celebra güei na Feria Internacional de Muestres d'Asturies FIDMA.
Amás de siguir col cursu pa deprender llingua asturiana, habrá ún d'aniciu de gallego-asturiano, amás d'otros ciclos de siempre como 'Autores nel camín' o la 'Folixa de navidá', col so concursu de ramos nes escueles, o los talleres creativos nos centros culturales. Tamién habrá un proyeutu pa fomentar l'usu de la toponimia tradicional y oficial y, va ser la primer vegada, que se va tener la 'Xira Didáutica' que consiste en talleres específicos y espectáculos pa la mocedá y tamién pal alumnáu más pequeñu de los centros educativos.
A lo llargo tamién d'esti semestre La conceyalía de Normalización Llingüística va participa nun proyeutu nuevu en collaboración col Principáu d'Asturies que ye la Xira Didáutica. Ye la primer vez que se plantega esti proyeutu, empobináu a los centros educativos, consistente en dellos talleres específicos dedicaos a la mocedá o dalgún espectáculu más infantil pal alumnáu más pequeñu. Entamará nel mes d'ochobre desendolcándose nos meses siguientes tamién.
Tamién contamos siguir cola programación de los talleres creativos nos Centros Culturales, como se vien faciendo dende hai yá 12 años, pa públicu infantil de
La temática ye mui amplia a lo llargo de toos estos años, tocando temes como la arqueoloxía, la prehistoria, los animales, la comida, etc too rellacionao cola cultura, la llingua y la historia d'Asturies.
Son nueve talleres per cada semestre que se programen iguales nos tres centros culturales de la ciudá Los Canapés, La Xungarosa/El barrio de La Luz y La Carriona.
PROGRAMACIÓN SEGUNDU SEMESTRE
Setiembre
- Día 9
Cursu intermediu de llingua asturiana.
Semipresencial, 7 xornaes que se fadrán nel Palaciu de Valdecarzana de
- Día 10
Cursu d'aniciu de gallego-asturiano.
Col envís de dar a conocer a la población y dar la posibilidá de deprender la otra llingua d'Asturies, fadráse esti cursu col mesmu sistema que'l de llingua asturiana. Eentama'l día 10, de 16:30 a 19:15 hores, tamién nel Palalciu de Valdecarzana.
Los dos cursos son de baldre, pa persones adultes y xurden de la collaboración del Conceyu d'Avilés cola Federación Asturiana de Municipios.
P'apuntase hai de facelo entrando en : Falamos.info
Ochobre
Proyeutu Fomentu de la Toponimia Tradicional y oficial del Conceyu d'Avilés
A mediaos del mes d'ochobre presentaráse'l proyeutu pa fomentar l'usu de la toponimia nos centros educativos y tamién na población en xeneral. La toponimia ye ún de los pegoyos pa la normalización llingüística y lo que se pretende ye dala a conocer, saber que yá ye oficial dende l'añu 2010 y que la mocedá y la población adulto pueda usala y respetala.
Creóse un material específicu pa esta xera, con empreses d'Avilés y especialistes na materia, que se podrá repartir nos centros educativos y en dellos espacios de la ciudá.
- Día 16
Ciclu Autores nel Camín
Taller de fomentu de la llectura de poesía col autor Miguel Rodríguez Monteavaro, ganador del Premiu Xuan María Acebal de Poesía en 2024, pola so obra Al Disparar Nunca Parte
IES Carreño Miranda, 12:30 hores
Avientu
- Día 12
Folixa de Navidá
Alcuentru de les escueles d'Avilés cola tradición navidiega asturiana, puxando siempre pola cultura y la tradición d'Asturies. El Nataliegu y el ramu de Navidá, compartirán escenariu con neños y neñes.
Auditoriu de la Casa la Cultura, 10:30 h.
Concursu de Ramos de Navidá pa la escuela
Sedrá yá'l cuartu añu que se celebra esti concursu, pa que les escueles participen na crwación y decoración del ramu de Navidá tradicional asturianu.
Pueden participar toles escueles del conceyu d'Avilés.
- Día 19
Ciclu Autores nel Camín
Representación de la obra teatral Perendi de la Compañía Teatral Carlos Alba, ganadora del premiu Nel Amaro de teatru en 2024.
Teatru de Los Canapés, 19:00 h.
La entrada ye de baldre.
- Normalización Llingüística